झणझणीत मिसळपाव हा खाद्यपदार्थ मराठी संस्कृतीचा अविभाज्य घटक आहे. "मराठी मिसळ" म्हणजे विविध क्षेत्रातील, विविध प्रांतातील चार मराठी उद्योजकांनी एकत्र येऊन उभारलेला महत्त्वाकांक्षी ब्रॅंड!!! "मराठी मिसळ" ही फक्त एक मराठी खाद्यपदार्थ विकणारी जागा नसून, ती आहे मराठी घरगुती चव, संस्कृती, भावना आणि अभिमानाचा अनोखा संगम! महाराष्ट्रातील विविध प्रांतातील चव एकत्र आणत, प्रत्येक घासात मराठी अस्मितेचा स्वाभिमानी अनुभव देणारा हा मराठमोळा ब्रँड आहे.

​

मुंबई मिसळ, पुणेरी मिसळ, नाशिक मिसळ, कोल्हापुरी मिसळ, सोलापुरी  मिसळ, सातार-सांगली मिसळ, कोंकणी मिसळ, खानदेशी मिसळ या सर्व जिल्ह्याची/प्रांतांची नावे असलेल्या प्रसिद्ध मिसळ आहेत. मात्र आम्ही असं ठरवलं की असं जिल्हा-प्रांत या पुरते मर्यादित न राहता  महाराष्ट्रातील सर्व जिल्ह्यातील मराठी भाषेवर, मराठी संस्कृतीवर प्रेम करणाऱ्या मराठी लोकांना एकत्र आणणारी, सर्व मराठी लोकांना आपली वाटणारी, मराठी भाषा, मराठी संस्कृती, मराठी परंपरा, मराठी स्वाद, मराठी अभिमान, मराठी स्वाभिमान, मराठी कणा, मराठी बाणा दर्शवणारी - प्रेमाची-आपुलकीची-अभिमानाची मराठी मिसळ मार्केटमध्ये आणावी.

​

चार सक्रिय संस्थापक भागीदार, त्यांचा उत्साही वावर, मराठमोळा महिला स्टाफ, उत्तम लोकेशन, स्वच्छ सुरक्षित सुंदर वातावरण, चवदार वैविध्यपूर्ण पदार्थ, मिसळचा मॅजिकमिक्स मसाला, सातत्यपूर्ण घरगुती चव, आदरातिथ्याची आपुलकी, कल्पक ब्रँडिंग आणि स्थानिक मार्केटचा अभ्यास यांच्या जोरावर हा ब्रॅंड अल्पावधीतच लोकप्रिय झाला आहे.

​

अनेक तरुण जोडपी, सुशिक्षित-सुसंस्कृत कुटुंब, गृहिणी, विद्यार्थी, रिक्षावाले, कष्टकरी या सर्वांसाठी मराठी मिसळ हा हक्काचा कट्टा बनला आहे. मराठी भाषिक इथे आपुलकीने आणि अभिमानाने येतात. तर अमराठी इथे मराठी खाद्यपदार्थानंविषयीची उत्सुकता, कुतूहल आणि वेगळा स्वाद अनुभवायला येतात. शेवटी सगळ्यांना आपली वाटेल अशी एक जागा रेस्टोरंट माध्यमातून आम्हाला तयार करायची होती. आणि त्यात आम्ही यशस्वी झालो आहोत. म्हणूनच “मराठी मिसळ” हे फक्त एक रेस्टोरंट नाही… तर तो समाजातील सर्व थरातील सर्व मराठी-अमराठी मनांना एकत्र आणणारा — आपुलकीचा, प्रेमाचा, संस्कृतीचा ब्रँड आहे.